Ka ndërruar jetë në një lokal në qytetin e Vlorës ish-kreu i INUK-ut Zyhdi Dajti. Dajti është ndarë nga jeta si pasojë e një infrakti që i ka rënë në zemër në moshën 58-vjeçare.
Dajti u komandua në detyrën e kreut të INUK më 2 tetor 2013 nga kryeministri Edi Rama dhe zëvendësoi Gazmend Osmanajn.
Zyhdi Dajti ka qenë gati një vit në krye të INUK, duke drejtuar një sërë aksionesh për prishjen e ndërtimeve pa leje në të gjithë Shqipërinë.
Po pas përplasjeve me kryeministrin Rama ai vendosi që në mënyrë të beftë të hiqte dorë nga drejtimi i INUK-ut.
Po ashtu Dajti ka pasur disa detyra të tjera shtetëore duke përfshirë dhe drejtor i Forcave të Sigurisë të Autoritetit Portual Durrës. (E.K/SHUPLAKA)
