“Atëherë njerëzit shiheshin sy më sy, sot shihen celular më celular”

Kushdo që e ka jetuar periudhën e plazhit edhe pak vite më parë kur teknologjia nuk ishte bërë njësh me njeriun e bën fare mirë diferencën se cila ishte koha më e mirë.

Kjo ka ndodhur edhe me gazetarin Denis Dyrnjaja i cili shprehet se plazhi dikur ishte vendi ku njerëzit socializoheshin dhe jo një treg ku njerëzit shkojnë për t’u shitur e blerë.

Ai thotë se nëse dikur plazhi shihej si një vend shlodhje dhe për veten, sot ka shumë pak ndërveprim njerëzor dhe më shumë ndërveprim virtual. Atëherë njerëzit shiheshin sy më sy, sot shihen celular më celular.

STATUSI I DYRNJASË:

Plazhi! Plazhi ishte dikur një vend social, ku njerëzisht defreheshin dhe socializoheshin. Sot është një treg ku njerëzit shkojnë për t’u shitur e blerë.

Plazhi ishte një vend me më pak kushte argëtimi, por kishte më shumë argëtim sepse luhej shumë futboll, volejboll, sot sheh ca kokrra që bëjnë gërr-vërr me jat-ski.

Sot gjen lloj lloj produktesh pa fund e të shumëllojshme, por nuk gjen më bozën dhe akulloren e famshme të dikurshme.

Sot ka më pak ndërveprim njerëzor dhe më shumë ndërveprim virtual. Atëherë njerëzit shiheshin sy më sy, sot shihen celular më celular.

Gjithsesi të gjitha janë subjektive por një gjë është e vërtetë që atëherë plazhi bëhej në funksion të vetes sot në funksion dhe qëllim të tjetrit ose të të tjerëve, sigurisht jo në vlerë apsolute!

(E.K/SHUPLAKA)