Është identifikuar autori i dyshuar i atentatit me dy plumba një ditë më parë në Shkodër. Objekt i këtij atentati ishte biznesmeni Syri Mehmetaj 44 vjeç. Ai është S. D. 29 vjeç, banues në Shkodër.
Një ditë pas ngjarjes, burime të policisë kanë zbardhur dinamikën e saj. Mendohet se shkak i atentatit të jetë bërë një konflikt i mëparshëm mes dy personave.
Nga deklarimet e marra nga dëshmitarët në vendngjarje, një portal online bën me dije se 29-vjeçari e ka futur në kurth biznesmenin duke e kontaktuar dhe e detyruar të dilte jashtë ambienteve të lokalit.
Nga pamjet filmike të sekuestruara në cilësinë e provës materiale, mësohet se autori ka shkuar në vendngjarje me një automjet tip “Benz” me targa AA888AT dhe më pas ka qëlluar në drejtim të Syri Mehmetaj që po lëvizte me automjetin tip “Benz” me targa AA031NL. I plagosuri ndodhet jashtë rrezikut për jetën, i shtruar në Spitalin rajonal Shkodër.
“Nga të dhënat paraprake u identifikua vendi i ngjarjes i cili ndodhej në afërsi të hotel “Argenti” në Shkodër, ku në vendngjarje u gjetën 2 gëzhoja model 54, të cilat u sekuestruan në cilësinë e provës materiale.”, citohet ndwr tw tjera nw njoftimin e policisw.
Materialet proceduriale iu referuan Prokurorisë së Rrethit Gjyqësor Shkodër për veprat penale “Vrasje me paramendim e mbetur në tentativë” dhe “Prodhim dhe mbajtje pa leje e armëve luftarake dhe e municionit”. (XH.A./SHUPLAKA)
Vijon
