Dy shqiptarë në Itali kanë qenë objektiv i një atentati me armë. Ngjarja raportohet të ketë ka ndodhur në komunën San Miniato në provincën e Pisas në Itali. Si pasojë e të shtënave me armë, njëri prej tyre ka mbetur i plagosur, siç raporton Lanazione.it.
Duke qenë se ngjarja ka ndodhur në mes të qytezës ka shkaktuar panik tek banorët e rastit, që lajmëruan menjëherë policinë. Duhet thënë se ka qenë mesditë koha dhe kur kanë ndodhur të shtënat.
Mësohet se makina me të cilën udhëtonin dy shtetasit shqiptarë është bllokuar nga dy automjete të tjera, të cilët kanë hapur zjarr kundër tyre.
Ndonëse të gjithë janë larguar nga vendngjarja, pak orë pas të shtënave një shtetas shqiptar 34-vjeç ka kërkuar ndihmë mjekësore. Sipas autoriteteve italiane, ai është një nga protagonistët e këtij atentati me armë zjarri.
Ndërsa policia ka marrë në pyetje shqiptarin, mediat nuk e përjashtojnë mundësinë e atentatit për shkak të larjes së hesapeve mes dy bandave rivale, pistë të cilën po heton edhe policia.
(E.K/SHUPLAKA)
Discussion about this post