Pas tentativës për vrasjen e ish-të dënuarit për trafik ndërkombëtar të lëndëve narkotike në Shijak, policia ende vijon hetimet për identifikimin e autorëve.
Rreth dy netë më parë Saimir Gjepali mbeti i plagosur, pasi disa persona i kishin zënë pritë afër shtëpisë së tij.
Prokuroria ka përcaktuar dy pista në lidhje me shkakun e këtij atentati.
Njëra pistë lidhet me të kaluarën kriminale të Gjepalit, ndërsa tjetra për ndonjë konflikt të tij të mundshëm.
Deri më tani janë shoëruar në komisariat mbi 15 persona që mund të kenë dijeni për ngjarjen, por vetë Gjepali nuk ka dyshime te asnjë person në veçanti.
Gjepali shprehet se nuk ka arritur t’I dallojë atentatorët për shkak të errësirës.
Ngjarja e rëndë ndodhi të mërkurën rreth orës 02:20, ndërkohë që 42-vjeçari po kthehej në banesë me automjetin e tij “Range Rover”.
Papritmas ai ka dëgjuar të shtëna armësh dhe është përpjekur t’u shmangej plumbave, por nuk ka arritur të identifikonte dot autorët që i kishin zënë pritë pranë shtëpisë.
Policia ka zbuluar disa gëzhoja të kalibrit 9 mm në ndërsa kamerat e sigurisë të instaluara në objektet e zonës nuk kanë kapur imazhe nga imazhe nga lëvizja e autorëve. (D.D/Shuplaka)
