Policia e Fierit po heton pistën e hakmarrjes për të zbardhur atentatin me eksploziv të mbrëmjes së të shtunës ku mbeti i plagosur teksa ecte me makinën e tij, Armando Sula. Sipas saj ky atentat ka të bëjë me një hakmarrje që lidhet me familjen e dajës se 35-vjeçarit. Sula u gjymtua në të dyja këmbët nga shpërthimi ne makinën me të cilën po udhëtonte në lagjen “Kryengritja” të këtij qyteti.
Kronologjia e ngjarjeve:
Zinxhiri i vrasjeve ka nisur prej vitit 1997, kur gjatë një operacioni të policisë së Fierit mbeti i vrarë Elton Brahimaj. Në operacion ishte pjesëmarrës oficeri Astrit Braçe, të cilin familja Brahimaj e akuzonte si përgjegjës. Katër vite pas kësaj ngjarje, në vitin 2001, Astrit Braçe dhe djali i tij, u vranë në një pritë. I dyshuar ishte Ardian Molla, i afërm i Elton Brahimajt, i cili vritet në vitin 2003. Armando Sula ishte në rrethin e personave që u hetuan. Policia dyshon se atentati ndaj tij është i lidhur me këto ngjarje. Sulo paraditen e te dielës është transferuar në spitalin e traumës në kryeqytet për ndihmë më të specializuar mjekësore. (J.V/Shuplaka)
Discussion about this post