Një atentat me armë zjarri ka ndodhur sot në mbrëmje te kryqëzimi i “Komunës së Parisit” në Tiranë.
Personi i plagosur me iniciale L.H, 24 vjeç është plagosur në shpatull, ai udhëtonte në mjetin me targë AA777RT.
Sipas policisë ka pasur një shkëmbim zjarri midis disa automjeteve.
Këto janë pamjet nga vendi ku ka ndodhur ngjarja.
NJOFTIMI I POLICISË:
Më datë 03.08.2017, në Numrin e Emergjencave 112, rreth orës 19:55, ka ardhur një telefonatë për shkëmbim zjarri në kryqëzimin e Komunës së Parisit.
Në vendngjarje kanë mbërritur shërbimet e policisë dhe ambulanca. Nga hetimet paraprake ka rezultuar se ka pasur një shkëmbim zjarri midis disa mjeteve, ku për pasojë ka mbetur i plagosur në shpatull shtetasi L.H., 24 vjeç, i cili ndodhet në spital nën kujdesin e mjekëve.
Janë ngritur pika kontrolli në hyrje-dalje të qytetit. Vazhdon krehja e zonës.
Grupi hetimor po punon për identifikimin dhe kapjen e autorëve dhe zbardhjen e plotë të rrethanave të ngjarjes. (B.H/Shuplaka)
