Qyteti i Lezhës është zgjuar i tronditur sot nga atentati që i është bërë gjatë natës Aleksandër Ndokës. Vëllai i ish-deputetit socialist u gjet i vrarë gjatë orëve të para të mëngjesit të sotëm.
Pjerin Ndreu ka qenë i pari nga rradhët e politikës që ka reaguar ditën e sotme, duke shprehur ngushëllimet për humbjen e Ndokës.
“Për Sandër Ndokën, për vdekjen e tij të parakohshme! Ngushëllime familjes! U prehfsh në paqe miku im!” shkruan Ndreu.
Nga ana tjetër vetë Arben Ndoka është parë sot pranë banesës së të vëllait me duart e kryqëzuara, ndërsa e gjithë familja gjendet në zi.
Për vrasjen e Aleksandër Ndokës në qytetin e Lezhës gazetari i kronikës në ‘’Fax Neës” Ermal Vija ka publikuar informacione të reja. Sipas tij vrasja nuk është bërë në orën 4 të mëngjesit po disa orë më herët.
Po ashtu ai thotë se vrasja është bërë në qendër të qytetit, dhe jo pranë banesës së tij.
“Bëhet fjalë që ngjarja të ketë ndodhur më herët, mendohet që të jetë ekzekutuar në qendër të qytetit. Mendohet se ekzekutimi është kryer në qendër të qytetit të Lezhës.
Mendohet se kanë qenë më shumë se dy persona. Unë e thashë që në fillim që trupi i vitimës është gjetur rreth orës 4 të mëngjesit. Në komisariat janë shoqëruar vetëm persona që mund të kenë pasu konflikt me Ndokën.
Mund të them që mënyra sesi ka ndodhur ngjarja flet për një vrasje të paramenduar, është bërë pritë ndaj tij dhe më pas janë larguar nga vendngjarja. Makina është gjetur nga një partullë policie”, u shpreh gazetari.
Kujtojmë se Policia nuk ka dhënë asnjë detaj tjetër derimë tani, përveç informacionit paraprak në orët e para të mëngjesit të sotëm.
Discussion about this post