Gati 5 ditë pas atentatit ndaj biznesmenit Tofik Hyka, i cili mbeti i plagosur, situata ende mbetet mister. Ngjarja ndodhi të mërkurën , në verandën e një hoteli që ndodhet pranë Stadiumit “Selman Stermasi”, në rrugën “Gjin Bue Shpata”, në Tiranë.
Autorët e atentatit qëlluan 4 herë me armë zjarri në drejtim të tij, mirëpo dy plumba e goditën në kokë e pranë zemrës. Si pasojë biznesmeni mbeti i plagosur rëndë.
Gazetar “Panorama” zbulon të tjera detaje nga ngjarja. Duke iu referuar dëshmive në polici, gazeta shkruan se autorët janë afruar me motor deri pranë lokalit, por nuk kanë zbritur, duke qëlluar 4 herë në drejtim të tavolinës ku ishte ulur Hyka bashkë me shoferin e tij. Sipas dëshmitarëve autorët janë larguar menjëherë, ndërsa kanë parë që personi ndaj të cilit u qëllua, mbante dorën në kokë dhe ishte i gjakosur.
Policia e Tiranës ngriti pika kontrolli për ndalimin e një motori, me karakteristikat e atij të përdorur nga atentatorët. Megjithatë, deri tani ende nuk është gjetur motori i përdorur nga autorët.
Policia ende po punon për zbardhjen e detajeve të ngjarjes dhe sigurimin e provave që mund të cojnë deri ën identifikimin e autorëve. (D.D/Shuplaka)
Discussion about this post