Atentati ndaj Bledar Muçës, dënohet me 10 vite burg Shkëlzen Hasanpapaj

Gjykata e Elbasanit ka dënuar me 10 vite burg Shkëlzen Hasanpapajn, pasi tentoi që të vrasë në Elbasan Bledar Muçën.

Hasanpapaj është dënuar për veprën penale “armëmbajtje pa leje” dhe “tentative vrasje”. Kujtojmë se Prokuroria e Elbasanit kërkoi 22 vite burg për Shkëlzen Hasanpapaj i cili është i dyshuari kryesor për atentatin ndaj Florenc Çapjas dhe Bledar Muçës.

Më datë 7 shkurt të 2017, Hasanpapaj është arrestuar në Hollandë. Ai është i dyshuar si autori i atentatit ndaj fisit Çapja.

Sipas policisë Hasanpapaj dyshohet si autori i atentatit ndaj Florenc Çapjes në 6 maj të vitit 2016. Po kështu në këtë ngjarje u plagos miku i Çapjes, Bledar Muça, si dhe një punonjë policie i cili ishte rastësisht aty.

Këto hetime janë të bazuara nga pamjet e kamerave të sigurisë së një biznesi aty pranë qartësuan, ku sipas tyre u bë edhe identifikimi i pamjeve fizike i një prej të dyshuarve. Po ashtu hetimi i mëtejshëm i policisë, bazuar në deklarime dhe ballafaqime të dhënash e dëshmish, provoi autorësinë e të dyshuarit.

(M.Q/Faxweb.al)