Është identifikuar autori i dyshuar për plagosjen e boksierit të Vllazinës, Nelson Hysa. Burime të policisë bëjnë me dije se kanë shpallur në kërkim shtetasi V. K. 21-vjeç.
Atentati u krye rreth orës 14:30 teksa kampioni i boksit po shkonte për t’u qethur. Ngjarja e rëndë u shënua në lagjen “Qemal Stafa”.
Burime të policisë së Shkodrës bënë me dije një ditë më parë se dy personat e dyshuar për atentatin po lëviznin me motor në momentin e krimit, me skafandra në kokë dhe rroba të zeza.
“Shtetasi N.H, në momentin që do futej për tu qethur në një berberanë në lagjen Qemal Stafa në vendin i quajtur “Ura Dervishbeg”, dyshohet se dy persona me motor me skafandra në kokë dhe me rroba të zeza i janë afruar ku njëri prej tyre e ka qëlluar njëherë me armë zjarri Pistoletë në pjesën fundore të barkut dhe janë larguar menjëherë.”, bëhej ndër të tjera me dije nga policia.
Detaje të Policisë së Shkodrës:
Identifikohet dhe shpallet në kërkim autori i dyshuar për plagosjen me armë zjarri të shtetasit N.H, ndodhur më 06.05.2017. Brenda një kohe të shkurtër policia identifikon dhe shpall në kërkim autorin e dyshuar të ngjarjes së djeshme, ku rreth orës 14:30 në vendin e quajtur “Ura Dervishbeg”, Shkodër është tentuar të vritet me armë zjarri shtetasi N. H., 33 vjeç.
Si rezultat i veprimeve të shpejta proceduriale të kryera nga Specialitët e Sektorit Kundër Krimeve të Rënda në D.V.P.Shkodër në bashkëpunim me Prokurorinë Shkodër, është bërë e mundur identifikimi dhe shpallja në kërkim autorit të dyshuar V.K , 21 vjeç, banues në Shkodër.
Vijon puna për kapjen e tij. Në vendin e ngjarjes është sekuestruar në cilësinë e provës materiale, një gëzhojë model 54 e kalibrit 7.62 mm. Materialet i kaluan Prokurorisë së Rrethit Gjyqësor Shkodër për veprat penale “Vrasje me paramendim, e mbetur në tentativë, e kryer në bashkëpunim” dhe “Prodhimi dhe mbajtja pa leje e armëve luftarake dhe e municionit”, të parashikuara nga nenet 78,22,25 e 278 të Kodit Penal.
(XH.A/SHUPLAKA)
Discussion about this post