Detaje të reja janë zbuluar nga atentati që tronditi mbrëmjen e kaluar Elbasanin, ku mbeti i vdekur Andi Zylyfi, 23 vjeç dhe i plagosur rëndë Ardit Uruçi 21 vjeç.
Bëhet e ditur se mbi 10 persona janë shoqëruar në polici, ndërkohë që edhe drejtori i Policisë së Shtetit, Ardi Veliu ka qenë vetë mbrëmjen e kaluar në Elbasan për të kryesuar hetimet.
Sipas dyshimeve të para po hetohet pista e larjes së hesapeve në shtetin fqinj Itali duke e lidhur më ngjarje e 29 nëntorit, pasi viktima ishte kushëriri i parë i Endrit Alibeajt, një nga viktimat e atentatit, ku humbën jetën 3 persona.
Pistë tjetër që po hetohet është ajo për shkaktë detyrës së të atit, meqënse punonte në burgun e Peqinit, megjithëse pritet dëshmia e të plagosurit për të hedhur më tepër dritë për këtë ngjarje.
Zona ku ka ndodhur atenati, duket se është mirë menduar nga autorët pasi është një zonëe pa ndriçuar gjë që e bën të vështirë identifikimin e tyre.
Gjithë ngjarja ka ndodhur shumë shpejt. Autorët kanë qëlluar nga një automjet në lëvizje, duke lënë të vdekur Zylyfin dhe të plagosur rëndë të riun tjetër. Mjeti me të cilën po udhëtonte i riu Golf 6 aa 557 yb ka marre disa plumba
Sipas informacioneve, Andi Zylyfi ka marrë plumb në kokë. Viktima nuk njihej si njeri problematik në zonë, ndërkohë që jetonte prej kohësh jashtë vendit dhe sapo ishte kthyer nga emigracioni.
Vete familjarët nga spitali i Elbasanit pasi kanë shpërthyer në lot janë dëgjuar të thërrisnin “Zgjohu se nuk ke bërë asgjë, zgjohu!”.
Duke qenë se gjëndja e tyre ka qenë e rëndë, dy të rinjtë janë dërguar në spital nga banorët e zonës dhe më pas nga familjarët.
(M.Q/Faxweb.al)
