Prokuroria e Elbasanit ka kërkuar sot dënimin me 22 vite burg për Shkëlzen Hasanpapaj i cili është i dyshuari kryesor për atentatin ndaj Florenc Çapjas dhe Bledar Muçës.
Neritan Hoxha dhe Ritvan Suka ishin dy prokurorët e çështjes të cilët kanë lexuar konkluzionet përfundimtare, duke i kërkuar trupit gjykues, deklarimin fajtor të të pandehurit Shkelzen Hasanpapaj dhe dënimin e tij me 22 vite burgim për tentativën e vrasjes ndaj Bledar Muçës dhe Florenc Çapja dhe plagosjen e një punonjëse të policisë së Elbasanit.
Vepra penale për të cilën akuzohet Hasanpapaj është ajo e “Vrasje me paramendim ndaj një ose më shume personave” e mbetur në tentative dhe “Mbajtje pa leje e armëve të zjarrit”.
Më datë 7 shkurt të 2017, Hasanpapaj është arrestuar në Hollandë. Ai është i dyshuar si autori i atentatit ndaj fisit Çapja.
Sipas policisë Hasanpapaj dyshohet si autori i atentatit ndaj Florenc Çapjes në 6 maj të vitit 2016. Po kështu në këtë ngjarje u plagos miku i Çapjes, Bledar Muça, si dhe një punonjëse policie e cila ishte rastësisht aty. Këto hetime janë të bazuara nga pamjet e kamerave të sigurisë së një biznesi aty pranë qartësuan, ku sipas tyre u bë edhe identifikimi i pamjeve fizike i një prej të dyshuarve. Po ashtu hetimi i mëtejshëm i policisë, bazuar në deklarime dhe ballafaqime të dhënash e dëshmish, provoi autorësinë e të dyshuarit.
Sipas policisë thuhet se ajo ka prova të rëndësishme që dokumentojnë praninë në vendin e ngjarjes me 6 maj në Elbasan.
(F.GJ/FAXWEB.AL)
Discussion about this post