Atentati ndaj Gentian Bejtjas, 9 të arrestuar. Prokuroria e Krujës jep detaje

Prokuroria e Krujës ka dhënë detaje të reja lidhur me tentativën për vrasje të shtetasit Gentian Bejtja.

Detajet e bëra të ditura nga Prokuroria e Krujës vijnë si rezultat i hetimit 3-mujor mbi atentatin ndaj Gentian Bejtja. Mësohet se në vijëmësi të hetimeve është kryer ndalimi i 9 personave të dyshuar për ngjarjen dhe është shpallur në kërkim një shtetas.

Janë ndaluar:

Edison Pula, Fadjol Anamali, Muharrem Sheta,, Ilir Caca, Marklen Haka, Arjan Ademi, Edison Bami, Klaudjo Ismailaja, Astrit Rryçi.

Është shpallur në kërkim: Oltjon Caca

Dhjetë të dyshuarit akuzohen për atentatin me eksploziv ndaj Bejtjas në Krujë, ngjarje e ndodhur më 19 shtator 2016.

Gentian Bejtja, i cili mbeti i plagosur pas atentati me eksploziv në automjetin e tij, është emër i njohur për policinë. Ai rezulton person me precedentë penalë të mëparshëm në fushën e veprave penale dhe është lakuar edhe në vrasjen e kryekomisarit Dritan Lamaj.

Ai u dyshua si një ndër autorët e vjedhjes së makinës që u përdor për ekzekutimin e kryekomisarit Lamaj. (XH.A/SHUPLAKA)

(Gentian Bejtja)