Atentati ndaj Ilmir Hajdarit, i njohur ndryshe si “Mir Vetlla” dyshohet se mund të ketë ndodhur edhe për hakmarrje. Mësohet se lidhur me këtë pistë janë shoqëruar në polici disa të afërm të viktimës Indrit Bajri.
42-vjeçari akuzohet se për vrasjen e Bajrit në vitin 2001 në Shkodër. Në kuadër të pistës së hakmarrjes, burime të policisë kanë shkuar në shtëpinë e fisit Bajri dhe kanë shoqëruar disa persona si të dyshuar se mund të kenë lidhje me atentatin.
Fillimisht të dyshuarit nuk janë gjetur në banesë për shkak të pjesëmarrjes në një gëzim familjar, por pas ardhjes dhe marrje në pyetje nga policia, ata janë shprehur se nuk kishin dijeni për çfarë kishte ndodhur në lagjen “Perash” ku “Mit Vetlla” u qëllua me tetë plumba pistoletë.
Dyshimet për hakmarrje janë hedhur poshtë nga të afërm të viktimës Bajri, të cilët janë shprehur se konflikti i ndodhur 16 vite më parë është mbyllur. Aktualisht 42-vjeçari “Mir Vetlla” ndodhet në gjendje kritike për jetën në Spitalin e Traumës në Tiranë për shkak të plagëve të marra.
(XH.A/SHUPLAKA)
Discussion about this post