Detaje të reja zbulohen lidhur me eksplozivin e gjetur poshtë një makine tip “Benz” në “Kodrën e Rashbullit” në Durrës, mesditën e sotme.
Mësohet se pronari i automjetit është një djalë i ri nga qyteti i Durrësit. Ai e kishte zbuluar lëndën e dyshimtë poshtë tij, vetëm kur e çoi për kontroll teknik.
Kështu, njoftimi për lëndën plasëse kishte ardhur pikërisht nga servisi i makinave, ku i riu kishte dërguar mjetin. BalkanËeb shkruan se nga hapja që i është bërë mjetit, është vërejtur një minë artizanale që mund të shpërthejë me telekomadë.
I riu kishte vetëm dy ditë që e kishte blerë automjetin dhe për këtë arsye e kishte dërguar për kontroll teknik. Kjo është arsyeja pse policia dyshon se atentati mund të jetë nisur edhe për ish-pronarin e mjetit.
Për shkak të kësaj ngjarjeje, për disa orë aksi rrugor Durrës-Shijak ka mbetur i bllokuar. (D.D/Shuplaka)