Andi Zylyfi, i cili mbeti i vrarë mbrëmjen e djeshme në një atentat mafioz në aksion rrugor Elbasan-Peqin, ka marrë 27 plumba në trup. Një fakt i tillë ka dalë në dritë nga ekspertiza që ekspertët mjeko-ligjorë kanë kryer.
Sipas informacioneve, ai ka qenë në lokal kur është qëlluar nga autorët. Burimet bëjnë me dije se Andi Zylyfi është kushuriri i parë(djali i hallës) së Endrit Alibej. Ky i fundit mbeti i vrarë në një atentat me armë rreth një vit më parë. Në këtë atentat u vra edhe Arben Dylgjeri 56 vjeç, si dhe një shtetas turk i quajtur Erdal Duranay, raporton Faxëeb.al. Endrit Alibej, 34 vjeç, një nga tre personat e ekzekutuar në Elbasan mbrëmjen e 29 dhjetorit të vitit 2018, rezultonte i arrestuar për trafik ndërkombëtar droge.
Endrit Alibeaj (Dylgjeri) mendohet se ka qenë shenjestra e atentatit vitin e kaluar ku mbetën të vdekur tre persona. Ngjarja që i mori jetën të riut Andi Zylyfi dyshohet për larjes hesapesh midis fiseve, megjithëse 23 vjeçari nuk ka precedentë penalë të mëparshëm. Nga atentati i djeshëm mbeti i plagosur edhe 21-vjeçari Ardit Uruçi, i cili është në gjendje të rëndë në Spitalin e Traumës.
