Një ngjarje e rëndë ka ndodhur sot në Rrëshen ku mbeti i vrarë në një atentat shtetasi Martin Bardhi. Ky i fundit është një emër i njohur për policinë.
Bardhi ishte arrestuar i akuzuar se kishte tentuar të vriste nipin e Kastriot Reçit, ky i fundit i vrarë në vitin 2021. Ndërsa në kërkim u shpall djali i tij Enrik Bardhi. Marku kishte vetëm pak kohë që kishte dalë nga burgu. Dyshohet se në atentat kanë marrë pjesë 2 persona.
Si ndodhi ngjarja në mars të këtij viti:
Dy të rinjtë Enrik Bardhi dhe Saimir Reçi janë konfliktuar fizikisht e më pas, Enrik Bardhi ka shkuar në banesë dhe ka marrë armën për ta qëlluar bashkëmoshatarin e tij. Bashkë me Enrikun, ka shkuar edhe i ati, Martin Bardhi të cilët kanë qëlluar në drejtim të makinës së blinduar të Saimir Reçit, i cili si pasojë e të shtënave, humbi kontrollin e mjetit dhe u përplas me bordurën e rrugës.
Mjeti i blinduar e shpëtoi të riun Reçi pa marrë lëndime. Policia e cila mbërriti menjëherë në vendin e ngjarjes shpalli në kërkim baba e bir Enrik dhe Martin Bardhi të cilët u larguan me shpejtësi nga vendi i ngjarjes. Kërkimet intensive bënë të mundur ndalimin e njërit prej të kërkuarve dhe policia saktësoi se ka rënë në pranga Martin Bardhi, e ndërsa djali i tij dhe nipi janë ende në kërkim.
