Atentati në Sarandë, Çiko shoqërohej nga e bija. Ç’pa ajo në vendin ku autorët i kishin zënë pritë

Atentati që iu bë 50-vjeçarit në Sarandë natës e djeshme ka bërë që familja Çiko të hapë dot dyert e mortit.

Vangjel Çiko shoqërohej nga e bija në kohën kur po kthehej në banesë, ndërsa dy atentatorët po e prisnin pranë derës së shtëpisë.

Fatmirësisht vajza ka mbetur e palënduar nga kjo ngjarje, pasi pasojat mund të ishin edhe më të mëdha.

Ndërkohë në dëshminë e saj në Polici vajza ka treguar se atentatorët kanë qenë dy persona me makinë. 
“Ata janë fshehur tek ulliri pranë shtëpisë dhe kanë qëlluar në drejtim të 50 vjeçarit në momentin kur po parkonte. Afër ka qenë dhe vajza e cila ka parë skenën e ekzekutimit të të atit.

Pasi kanë qëlluar autorët kanë tentuar të largohen me makinë por makina nuk i është ndezur. Prandaj njëri prej autorëve ka vijuar të largohet në këmbë drejt rrugës “Eqerem Çabej” për tu zhdukur më pas mes rrugicave, duke përfituar dhe nga errësira.

Ndërsa personi i dytë është larguar pak më vonë pasi makina është ndezur”, thonë familjarë të viktimës për ‘’Ora Neës”.

Vangjel Çiko ishte babai i Dhimitër Çikos aktualisht i arrestuar si i akuzuar për vrasjen e Aleksandër Bardhit  më 24 shtator 2016).

Policia zyrtarisht nuk ka dhënë ende asnjë version të shkaqeve të këtij krimi, por nga mënyra si kanë rrjedhur ngjarjet pista kryesore është hakmarrja ndaj krimit për të cilin është arrestuar i biri.

(E.K/SHUPLAKA)