Atentati në Shkodër, policia zbulon autorin. Shpallet në kërkim (EMRI/FOTO)

Pas atentatit të sotëm pranë Teatrit Migjeni në Shkodër, policia ka shpallur një person në kërkim. Ai është një 25-vjeçar i quajtur Aurel Ahi.

Kujtojmë se nga atentati në Shkodër, që ndodhi mesditen e sotme pranë Teatrit Migjeni, kanë mbetur të plagosur tre persona. Personat e plagosur janë Doni Lisi, Enrik Prenushi si dhe një vajzë me iniciale L.T.

Rreth një orë më parë, u njoftua se i dyshuari kryesor ishte Arben Piolla. Kjo për shkak se Piolla rezulton të jetë pronar i automjetit tip “Daevu” me targa AA 440 NC që u gjet i braktisur pas ngjarjes së rëndë.

Mësohet se pas atentatit me armë, kanë mbathur me shpejtësi nga vendi i ngjarjes, për të humbur gjurmët e policisë. Mirëpo bardhë e blutë kanë zbuluar armët e krimit, një pistoletë, si dhe gëzhojat, ndërsa është gjetur edhe makina me të cilën ata udhëtonin kur kryen atentatin. Mësohet se automjeti i braktisur është gjetur në Zogoj. Mirëpo siç duket, pistat e hetimit kanë ndryshuar duke qenë se i shpalluri në kërkim është një tjetër.

DETAJET E POLICISË

Në vijim të informacionit paraprak që bën fjalë për ngjarjen  e ndodhur sot para  Teatrit “Migjeni” ju bëjmë  me dije se falë punës operative dhe të pandreprerë të bërë nga strukturat e Drejtorisë Vendore të Policisë Shkodër është arritur të identifikohet dhe shpallet në kërkim autori i kësaj ngjarje i cili është shtetasi:

A, 25 vjec, banues në lagjen Guerile, Shkodër.

Po punohet për përcaktimin e vendodhjes dhe kapjen e tij (D.D/Shuplaka)