Të tjera detaje janë zbuluar mbi atentatin me armë zjarri në Shkodër, ku mbetën të plagosur tre persona. Sipas hetimeve të policisë, i dyshuari kryesor i atentatit është Arben Piolla.
Kjo për shkak se Piolla rezulton të jetë pronar i automjetit tip “Daevu” me targa AA 440 NC që u gjet i braktisur pas ngjarjes së rëndë.
Mësohet se pas atentatit me armë, kanë mbathur me shpejtësi nga vendi i ngjarjes, për të humbur gjurmët e policisë. Mirëpo bardhë e blutë kanë zbuluar armët e krimit, një pistoletë, si dhe gëzhojat, ndërsa është gjetur edhe makina me të cilën ata udhëtonin kur kryen atentatin. Mësohet se automjeti i braktisur është gjetur në Zogoj.
Dyshohet se autorët e kanë lënë aty e më pas kanë shkuar në mal për të humbur gjurmët.
Kujtojmë se personat e plagosur janë Doni Lisi, Enrik Prenushi si dhe një vajzë me inicuale L.T.
Sipas policisë D.L. 32 vjeç, i cili ndodhet në gjendje të rëndë për jetën, dyshohet të ketë qenë edhe objekti i këtij sulmi.
Informacioni i parë i policisë:
Me datë 15.07.2017, rreth orës 13;00, kemi marr njoftim se ka të shtëna me armë, perballë Teatrit Migjeni.
Menjëherë shërbimet e Policisë kanë shkuar në vendngjarje ku dhe kanë konstatuar se janë plagosur me armë zjarri shtetasit:
D.L. 32 vjeç, i cili ndodhet në gjëndje të rëndë për jetën dhe dyshohet të ketë qenë edhe objekti i këtij sulmi.
L.T. 25 vjeçe jashtë rrezikut për jetën, E. P. 59 vjeç, jashtë rrezikut për jetën të cilët kanë qënë kalimtare te rastit.
Autori/ët janë larguar me shpejtësi me një automjet në drejtim të Shirokës.
Nga policia e Shkodrës eshte bere e mundur gjetja e armes se zjarrit dhe automjeti i autorit/eve.
Janë ngritur pika te shumta kontrolli dhe po behet krehja e zones per identifikimin dhe kapjen e autorit/ve dhe sqarimin e rrethanave te ngjarjes.
Po bashkëpunohet me Policinë Kufitare pasi dyshohet se autori/ët mund të largohen në drejtim të Malit të Zi. (D.D/Shuplaka)
