Vrasja e dy të rinjve në makinën e tyre në sukth ngriti shumë pista hetimi nga ana e Policisë po ende nuk ka asnjë person si të dyshuar.
Ndërkohë që sot mësohet se Forcat e Ndërhyrjes së Shpejtë dhe RENEA kanë zhvilluar një aksion në zonën e Sukthit dhe Shijakut, për të rënë në gjurmët e autorëve të dyshuar për vrasjen e dyfishtë të Ervin Dalipaj dhe Juxhin Dauti që ndodhi disa ditë më parë në këtë zonë.
Sipas një portali online gjatë kontrollit të ushtruar janë shoqëruar disa “të fortë” të Sukthit dhe Shijakut, emrat e të cilëve nuk bëhen me dije për arsye hetimore.
FNSh-ja ka zbarkuar me autoblinda në qytetin e vogël të Shijakut, ndërsa “të fortët” e shoqëruar janë një numër i konsiderueshëm “miqsh” me të cilët shoqëroheshin dy viktmat e atentatit të 25 prillit në autostradën Durrës-Tiranë pranë Sukthit. (E.K/SHUPLAKA)
