Atentati në Tepelenë, shënjestra ishte nipi i ish-ministrit

Mbrëmjen e sotme një atentativë për vrasje është shënuar në qytetin e Tepelenës. Mësohet se shënjestra, Orjol Memushi është nipi i ish-ministrit të Arsimit Luan Memushi.

Ndërkohë është bërë i ditur edhe mbiemri i autorit Rrapaj, ndërsa ende nuk jepet emri i tij. Sakaq, Memushi nuk është emër i panjohur për policinë, përvec faktit të të qenit nipi i një ish-ministri, por sepse ai rezulton të jetë një person me precedent penal. Memushi dhe Rrapaj, njihen midis forcave të policisë si përdorues droge.

Për këtë arsye dyshohet që shkaqet e konfliktit mes Rrapajt dhe Memushit kanë qenë pikërisht pazaret e drogës.

Atentati ndaj Memushit ndodhi mbrëmjen e sotme në Tepelenë rreth orës 20:00, ku personi me mbiemër Rrapaj ka qëlluar disa herë me armë zjarri. 

Ndërkohë mësohet se në vendngjarje është gjetur një gëzhojë dhe automjeti tip “Volswagen” që dyshohet të jetë i autorit.

Vijon… (D.D/shuplaka)