Atentati në Tiranë, PISTAT ku heton Policia. Shoqërohen 25 persona

Kanë dalë detaje të reja në lidhje me atentatin që ndodhi mbrëmjen e djeshme në zonën e ‘’Ish-Parkut” në kryeqytet.

Sipas ‘’Fax News” për vrasjen e 32-vjeçarit, Emiljano Boçi, janë shoqëruar në Polici 35 persona.

Mësohet se atentati ndodhi pranë banesës së Emiljano Boçit dhe mendohet se ka më shumë se një autor, të cilët ende nuk janë identifikuar.

Viktima dhe i plagosuri ndodheshin në një mjet tip “Range Rover” në rrugën “Shefqet Musaraj”, ndërsa autorët kanë qenë në këmbë.

Mësohet se 32-vjeçari Emiljano Boçi ka qenë në Holandë dhe Gjermani dhe kishte pak kohë më parë që ishte kthye

Vetë Boçi kishte dy vite që kishte dalë nga burgu për plagosje me armë. Policia ka sekuestruar katër gëzhoja në vendin e ngjarjes.

Dy pistat ku po heton Policia janë ajo e prishjes së pazareve të drogës, dhe pista e hakmarrjes për ngjarjen e ndodhur në vitin 2010.

DETAJET E POLICISË:

Më datë 14.01.2018, rreth orës 17.50, në Sallën Operative ka ardhur një telefonatë se në rrugën ” Shefqet Musaraj”, një shtetas ndodhet i demtuar në një automjet.

Menjeherë në vendgjarje kanë mbërritur shërbimet e Policisë dhe Ambulanca ku nga veprimet paraprake ka rezultuar se:

Në rrugën “Shefqet Musaraj”, në një mjet është gjetur i plagosur me armë zjarri shtetasi E.B., 32 vjeç, i cili u dërguar menjëher në spital, ku ka ndërruar jetë.

Ndërkohë në spital ka shkuar i dëmtuar me armë zjarri në shpatull edhe shtetasi M.D., 27 vjeç, i cili ndodhet jashtë rrezikut për jetën.

Në vendngjarje ndodhen shërbimet e policisë ku po punohet për sqarimin e plotë të rrethanave të ngjarjes dhe identifikimin dhe kapjen e autorit/ve.

(E.K/FAXWEB)