Detaje të reja janë zbuluar pas atentatit të një dite më parë në Vaun e Dejës, ndaj 23 vjeçarit Emiljano Zefi.
Policia e zonës, shpalli në kërkim Pashk Gjonin si të dyshuar për sulmin me armë zjarri, mirëpo ky i fundit, ndodhet në gjendje të rëndë në spitalin e Traumës në Tiranë.
Gjoni mësohet se është ushtarak ndërsa pas konfliktit me Zefin, njëri plumb i ka prekur arterien kryesore në këmbë.
Ngjarja e rëndë ndodhi një natë më parë, në rrugën Vau i Dejës- Hajmel, por sipas pistës së hetimeve, shkak është bërë një femër.
Dëshmitarët i kanë parë bashkë në një lokal ku janë ndarë paqësisht me njëri-tjetrin., ndërsa familjarët nuk ishin në dijeni se të rinjtë kishin konflikte me njëri-tjetrin, mbi të gjitha duke patur parasysh faktin se ishin kushërinj. (D.D/Shuplaka)
