Një ngjarje e rëndë raportohet të ketë ndodhur para pak minutash në qytetin e Vlorës. Në rrugën ‘’transballkanike” janë njoftuar të shtëna dhe për pasojë dy persona dyshohet të kenë mbetur të plagosur rëndë.
Personat që janë plagosur kanë qenë në një mjet tip ‘’benz”, ndërsa në momentin që mbi ta është gjuajtur kanë qenë duke dalë nga një pikë karburanti.
‘’Shuplaka” mëson se pseudonimi i njërit prej të plagosurve është Robi. Ai pas të shtënave të para ka dal nga makina dhe më pas autorët e kanë goditur sërish. I plagosuri ka patur pistoletë me vete dhe i ka rënë në shesh pas përplasjes në tokë.
Dyshimet e para në lidhje me ngjarjen e sotme lidhen më nje vrasje të ndodhura 6-vite më parë.
Nga ajo që mësohet është se në drejtim të mjetit janë gjuajtur 20 plumba. Mjeti është me targa ”VL6368C”.
DETAJET E POLICISË:
Më datë 01.10.2017, rreth orës 09: 35, në rrugën Transballkanike, pranë një karburanti, nga persona ende të pa identifikuar është qëlluar me armë zjarri në drejtim të një mjeti ”Mercedes Benz” me targa VL 63 68 C.
Nga të shtënat me armë zjarri kanë mbetur të plagosur shetasit D.B., 50 vjeç dhe F.Ll., 39 vjeç Të dëmtuarit janë transportuar menjëherë për të marrë ndihmë mjekësore në Spitalin Rajonal Vlorë.
Në vendngjarje ndodhen shërbimet e Policisë sëbashku me grupin hetimor ku po punohet për zbardhjen e plotë të ngjarjes. Policia ka ngritur pika të shumta kontrolli në të gjitha kryqëzimet kryesore dhe po punohet për identifikimin dhe kapjen e autorëve.
(E.K/SHUPLAKA)
https://www.youtube.com/watch?v=F7qzSP0g7eI&feature=youtu.be
Discussion about this post