Nga atentati që ndodhi mbrëmë në zonën e ish “Misot Mames” në Tiranë ku ngelën të plagosur me armë zjarri dy persona policia ka gjetur gjurmë nga autorët e dyshuar.
Sipas policisë mësohet se në vendngjarje është gjetur i braktisur një automjet tip Golf që paraprakisht dyshohet se është përdorur nga autorët.
“Nga veprimet e para hetimore të kryera në vendngjarje policia ka identifikuar autorët e dyshuar, por për arsye hetimi nuk jepen të dhëna të tjera”, thuhet nga policia.
Po kështu grupi hetimor ka sekuestruar disa gëzhoja të një arme zjarri tip pistoletë. Grupi hetimor po vazhdon punën për sqarimin e rrethanave të ngjarjes, nga e cila mbetën të plagosur shtetasit Xh. V., 33 vjeç, si dhe J. SH., 25 vjeç.
Nga veprimet e para hetimore të kryera në vendngjarje policia ka identifikuar autorët e dyshuar, por për arsye hetimi nuk jepen të dhëna të tjera. (J.V/Shuplaka)
