Kanë dalë sot para gjykate të akuzuarit për atentatin ndaj shtetasit Lorenc Hoxha tek Komuna E Parisit. Dejvis Rrustemaj, Klajdi Kodra, Igler Qose dhe Ardit Xheferri janë njohur me masën e sigurisë për akuzën e ‘vrasjes me dashje në bashkëpunim të mbetur në tentativë’.
Nga seanca kanë dalë edhe detaje të konfliktit mes tyre dhe 25-vjeçarit Hoxha që mbeti i plagosur 4 ditë më parë në shpatull, ndërsa u qëllua nga 27-vjeçari Dejvis Rrustemaj.
Sipas asaj që shkruan “Balkanweb” Hoxha është konfliktuar me Igler Qosen një muaj më parë. Mësohet se ky i fundit i kishte thënë Hoxhës se kushëririn e tij të vrarë e kishte pasur ‘ushtarin e tij’.
Në debat e sipër, Lorenc Hoxha i ka thënë ‘mos fyej kujtimin e të vdekurit se do kesh punë me mua’ dhe janë kofliktuar deri sa i kanë ndarë të tjerët.
Më pas ata janë takuar tek sheshi “Nënë Tereza” ku Qose, Rrustemaj dhe Kodra i kanë thënë 25-vjeçarit Hoxha ‘ti nuk je burrë që nuk merr hakun e kushëririt’ dhe janë ndarë por sërish me një konflikt në mes dhe katër ditë më parë, kur 4 të rinjtë e kanë parë në kryqëzimin e “Komunës së Parisit” e kanë qëlluar. (B.H/Shuplaka)
Discussion about this post