Një shqiptar 46-vjeçar është ekzekutuar në Kanada. Policia kanadez thotë se ngjarja ka ndodhur rreth orës 9:52 të mbrëmjen të së mërkurës, kur u raportua për të shtëna dhe kur mbërritën në vendngjarjen gjetën të shtrirë përtokë Kaloshin me plagë të rëndë në kokë.
Viktima Ardian Kaloshi ndodhej në shoqërinë e disa personave të tjerë në momentin e atentatit, raporton “Panorama”.
Ai u dërgua me urgjencë në spital, por disa minuta më vonë humbi jetën.
Kaloshi ishte i njohur për policinë, pasi kishte një të kaluar kriminale.
Dyshohet se ai shkonte shpesh në këtë zonë dhe vrasësit mund të kenë mësuar itinerarin e tij.
