Atentatori i dyshuar tek “Komuna e Parisit” nuk është i panjohur për policinë, i shpëtoi vrasjes 3 muaj më parë (FOTO)

Polici ka arrestuar në Vlorë 4 të dyshuarit për atentatin tek Komuna E Parisit dy ditë më parë ku mbeti i plagosur Lorenc Hoxha.

Arrestimi është bërë sot në Vlorë.

Njëri nga të arrestuarit, Dejvis Rrustemaj, 27 vjeç, nuk është një emër i panjohur për policinë. Ai i ka shpëtuar vetë një atentati të ndodhur në fillim të majit në kryeqytet në zonën e Kinostudios.

Rrustemaj u tentua të vritej pasditen e 4 majit, para një bilardoje që ndodhet në afërsi të një xhamie në rrugën “Xhanfize Keko”, mes Kinostudios dhe Porcelanit.

Policia tha se Rrustemaj njihej si person me precedentë të mëparshëm penalë dhe ngjarja më e fundit për të cilën ai u hetua ishte kanosja e djalit të biznesmenit të karburanteve, Ilias Fisheku.

Ai u qëllua nga dy persona që lëviznin me motor në pulpën e këmbës së majtë. Atentati dyshohet se iu organizua Rrustemajt për shkak se ai kishte kërcënuar në 2015 me armë zjarri djalin e një biznesmeni të naftës, për një borgj të pakthyer. (B.H/Shuplaka)