Ish-presidentja e Kosovës, Atifete Jahjaga është takuar me aktoren e famshme Angelina Jolie. Takimi i tyre u zhvillua në 5-vjetorin e Iniciativës për Parandalimin e Dhunës Seksuale.
Vetë Jahjaga ka postuar në llogarinë e saj në “Facebook” fotografinë nga takimi me aktoren e njohur të Hollywood-it.
Ajo shkruan se pati kënaqësinë të marrë pjesë në 5-vjetorin e “Iniciativës për Parandalimin e Dhunës Seksuale në Konflikt të udhëhequr nga ministrja e Shtetit në Ministrinë e Punëve të Jashtme të Mbretërisë së Bashkuar dhe përfaqësuese speciale e kryeministrit për Parandalimin e Dhunës Seksuale në Konflikt, baronesha Joyce Anelay, si dhe përfaqësuesja speciale e UNHCR-it, Angelina Jolie.”
Shkrimi i Atifete Jahjaga:
Pata kënaqësinë që të marrë pjesë në shënimin e pesë-vjetorit të Iniciativës për Parandalimin e Dhunës Seksuale në Konflikt të udhëhequr nga Ministrja e Shtetit në Ministrinë e Punëve të Jashtme të Mbretërisë së Bashkuar dhe Përfaqësuese Speciale e Kryeministrit për Parandalimin e Dhunës Seksuale në Konflikt, Baronesha Joyce Anelay, dhe Përfaqësuesja Speciale e UNHCR-it, Angelina Jolie.
Gjatë diskutimit në panel me disa nga avokuesit më të zëshëm në parandalimin e dhunës seksuale gjatë konfliktit, theksova nevojën për mbështetje të shtuar ndërkombëtare në përfshirjen e çështjes së të mbijetuarve të dhunës seksuale gjatë luftës në Kosovë në rend të ditës gjatë diskutimeve për dhunën seksuale gjatë konfliktit në Kombet e Bashkuara.
Për nevojën e ngritjes së kësaj çështje në nivel të OKB-së fola edhe në takimin e ndarë me Baroneshn Anelay.
Viktimat e dhunës seksuale gjatë luftës në Kosovë meritojnë drejtësi dhe për këtë do të angazhdohem me të gjitha forcat e mia.
(XH.A/SHUPLAKA)
Discussion about this post