“Atij nuk i plas fare”, Ferdinand flet për Garnaçon: Mesi e hoqi nga ‘Instagrami’ vetëm se është tifoz i CR7-ës

Lionel Mesi e ka hequr Alehandro Garnaçon nga “Instagrami” dhe kjo është për shkak se talenti argjentinas preferon rivalin e tij të përhershëm Kristiano Ronaldon, sipas Rio Ferdinandit.

19-vjeçari festoi në stilin e superyllit portugez pas golit të tij me roveshatë, kundër Evertonit të shtunën. Madje, edhe këpucët që mbante veshur ishin ato të frymëzuara nga CR7, “Vapor 15 Mercurial Dream Speed”.

“E dini se çfarë më pëlqen tek ai? Atij nuk i plas fare”, tha ish-mbrojtësi i Junajtidit, Rio Ferdinand: “Garnaço më tha se Mesi e hoqi atë nga ‘Instagrami’ vetëm sepse nuk e fsheh se preferon Ronaldon. Ai e thotë hapur, nuk i intereson. ‘Jam tifoz i Ronaldos’. ‘Kush është më i miri? Ronaldo’. Madje, e thotë këtë edhe në skuadrën e Argjentinës”.