Media amerikane “The Atlantic”, ka publikuar së fundmi një shkrim për një shqiptaro-amerikan, i cili sipas të dhënave të kësaj medie është një nga komandantët e ISIS. “The Atlantic” iu referohet të dhënave të marra nga federalët ku thuhet se shqiptari iu bën thirrje muslimanëve në Shtetet e Bashkuara t’i bashkohen shtetit islamik.
“Të dhënat janë atje, nëse e dini se ku duhet të shikoni. Të shpërndara nëpër qoshet e internetit, ka dëshmi se Zulfi Hoxha, djali i një pronari picerie shqiptaro-amerikane nga Nju Xhersi, kishte plane të këqija”, thuhet në shkrim.
Sipas shkrimit i riu Hoxha është larguar në prill të 2015 nga SHBA-të dhe më pas ai për 6 muaj rresht ka qenë personazh kryesor në video ekzekutimet e ISIS.
Në një tjetër video të majit 2017, Zylfi Hoxha i maskuar dhe i vetë quajtur “Abu Hamza al-Amriki”, thotë: “A nuk jeni në gjendje që t’ia ngulni thikën një jo-muslimani? Ta hidhni poshtë nga një ndërtesë? Ta shtypni me makinë? Çlirojeni veten nga zjarri i Ferrit duke vrarë një jo-musliman”.
Sipas medias amerikane nuk dihet vendodhja e saktë e të riut por sipas videove të vitit 2017, mendohet se ai është në zonën e Irakut Perëndimor.
(F.G/Faxweb)
Discussion about this post