Polici grek i infiltruar brenda një rrjeti criminal të trafikimit të drogës për të zbuluar skemën e funksionimit të tyre ka treguar se në takimin me trafikantët në kufirin greko-shqiptar, ku ai kishte shkuar për të marrë sasinë prej 44 kg kanabis, e kishin pritur disa shqiptarë të armatosur rëndë.
Aty prisnin disa shqiptarë të armatosur me armë të rënda, së bashku me 44 kg hashash”, shkruan gazeta greke “Zougla”, duke iu referuar burimeve nga policia, raporton TV KLAN.
Droga ishte destinuar për t’u shitur në Janinë, Patra dhe Ilia. Në këtë rast, rolin e ndërmjetësit apo të transportuesit do ta bënte pikërisht polici grek i infiltruar. Sasinë prej 44 kg kanabis e prisnin dy persona të tjerë në qytezën Vartholomio.
Në momentin që agjenti shkon të dorëzojë drogën që mori në kufi nga trafikantët shqiptarë, ndërhynë edhe forcat e policisë duke arrestuar dy persona, një shqiptar dhe një grek 61-vjeçar.
Identiteti i shqiptarit të arrestuar nuk është bërë i ditur. Ndërkohë, në kërkim është shpallur një person i tretë. Autoritetet greke vazhdojnë hetimet për të arrestuar personat e tjerë të përfshirë në këtë rrjet kriminal.
(B.H/Shuplaka)
Discussion about this post