Audi ka prezantuar në Panairin e makinave në Detroit modelin e saj më të ri të shumëpritur, Q8.
Koncepti “Audi Q8” është modeli më luksoz i kompanisë në të gjitha kohërat.
Sipas kompanisë gjermane, ky koncept është kombinim në mes të një modeli sportiv, linjave të bukura të një Coupe si dhe një SUV-i klasik. Po ashtu, koncepti Q8 ofron më shumë hapësirë për pasagjerë, falë boshtit të saj prej tre metra.
Audi Q8 vjen me versionin e ri të kabinës virtuale të Audi-t, e cila tani ka funksione të reja dhe rezolucion më të madh. Dy ekrane të reja të integruara në pjesën qendrore përdoren për të menaxhuar sistemet e makinës, por edhe për funksione tjera.
Q8 vjen me motor benzinë 3.0-litër me kapacitet prej 443 kuajfuqi, i cili është në kombinim me marshin automatik me tetë shpejtësi. Shpejtësinë nga 0 deri në 100 kilometra/orë e arrin për vetëm 5,4 sekonda ndërsa shpejtësia maksimale është 250 km/h. (A.R/SHUPLAKA)
[ngg_images source=”galleries” container_ids=”689″ exclusions=”158,159,160,163,164,165,166″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
