Kreu i KQZ-së Denar Biba në një deklaratë për mediat ka dhënë shpjegime në lidhje me audio-përgjimn e publikuar të tij me gjyqtarin shqiptar në Strasburg Ledi Biankut.
Biba në deklaratën e tij ka thënë se mjafton që të dalë audio e plotë dhe e pacensuruar dhe do të shihet që nuk ka asgjë.
Ai ka thënë se kishte folur me gjyqtarin me kërkesë të qeverisë shqiptare për mundësinë që shtetit shqiptar t’i shtyhej afati për pagesën ndaj pronarëve që kishin fituar gjyqe.
Për më tepër sipas Denar Bibës akuzat ndaj tij janë të papranueshme pasi gjyqtari Bianku nuk kishte gjë në dorë që të shantazhohej.
“Akuzat ndaj meje të papranueshme. Nuk mund të shantazhohet zoti Bianku se nuk kishte gjë në dorë, nuk kishte asgjë për të cilën mund ta shantazhosh, më ka pyetur për karrierën time, i kam thënë se kemi ardhur për këtë gje, i kam thënë me kërkesë të zotit Agaçi për këtë kërkesën që do ti bëhet gjykayës për të shtyrë afatet për paratë që shteti shqiptar do tu jepte pronarëve. Më ka dhënë mendimin e tij, mendonte se nuk do të na jepej mundësia për një shtyrje të dytë apo të tretë.
Mjafton të dalë biseda e plotë dhe e pacensuruar dhe do kuptohet se është një bisedë mes dy miqsh, më ka dhënë mendime. Vazhdoj të jem i habitur që opozita do të bëjë politikë me këtë çështje. Opozita të gjejë të plotë audio-përgjimin dhe të dalë e vërteta”, tha Biba ndër të tjera. (B.H/Faxëeb)
