Audituesit ligjorë dhe shoqëritë audituese duhet të raportojnë dhe dorëzojnë raportet pranë Bordit të Mbikëqyrjes Publike (BMP) brenda datës 20 janar, në lidhje me njësitë me interes publik dhe ato jo me interes publik të audituar prej tyre.
Sipas BMP-së, informacioni duhet të dorëzohet në formë elektronike në formatin exel, ose në formë shkresore pranë zyrave të Bordit të Mbikëqyrjes Publike.
Audituesit ligjorë dhe shoqëritë e auditimit që kryejnë auditime ligjore të njësive ekonomike me interes publik, si dhe të njësive ekonomike që nuk janë me interes publik, janë objekt i kontrollit të cilësisë nga Bordi i Mbikëqyrjes Publike.
Detyrohen të kryejnë auditimin ligjor të pasqyrave financiare vjetore, përpara publikimit të tyre, nga auditues ligjorë ose shoqëri audituese shoqëritë tregtare, pavarësisht nga forma e tyre, të cilat zbatojnë standardet ndërkombëtare të raportimit financiar; shoqëritë aksionare, të cilat zbatojnë për raportimin financiar standardet kombëtare të kontabilitetit; shoqëritë me përgjegjësi të kufizuar, të cilat zbatojnë për raportimin financiar standardet kombëtare të kontabilitetit, kur, në mbyllje të periudhës kontabël, për dy vite radhazi, totali i aktiveve të bilancit, në mbyllje të periudhës kontabël përkatëse, arrin ose e kalon shumën prej 50 milionë lekësh; ose shuma e të ardhurave nga veprimtaria ekonomike (qarkullimi) në atë periudhë kontabël arrin ose e kalon shumën prej 100 milionë lekësh; apo kur ka mesatarisht, 30 të punësuar gjatë periudhës kontabël.
Discussion about this post