I ftuar në ‘Fax News’ aktivisti Aulon Kalaja ka thënë se protesta kundër marrëveshjes për detin me Greqinë do të vazhdojë sërish pas asaj të fundit në Vlorë.
Ai tha se qytetarët në Vlorë dolën me pankarta në duar ku shkruhej “E dua Shqipërinë”, “e dua Çamërinë”, ndërsa theksoi se edhe kryebashkiaku i Vlorës bëri një foto me tad he se i përgëzoi për atë që po bëjnë.
“Kjo ka qenë edhe slogan i fotove që kemi bërë sot, që deti është I joni. Mesa duket eskortës së kryetarit të bashkisë i bëri përshtypje dhe ndaloi të bënte foto. Na tha që nuk na njihte, por ajo që po bënim ishte një gjë e mirë.
Kjo është një sakrificë për qytetarët që na ndjekin në çdo protestë, kanë qenë në të gjitha qytetet, ne do të vazhdojmë me protesta edhe në qytete të tjera.
Protesta më e madjdhe ishte në Lezhë, ku shumë qytetarë na u bashkuan, nisi tek memoriali i besëlidhjes së Lezhës”, tha Kalaja.
Ai veçoi protestën e 20 janarit kur ështrë rasti I vetëm që ka patur një problem me policinë.
“Vlen për tu përmendur rasti i 20 janarit ku kemi patur përplasje me policinë në Korçë, ishte koha kur po takoheshin Kotzias me Bushatin”, tha ai.
Gjithashtu aktivisti Kalaja tha se beson se nuk do të kishte marrëveshje mes kryeministrit Rama dhe atij grek më 8 prill, kur dhe do të takohen.
“Ne do të vazhdomë me protetat edhe në 8 prill, ne besojmë se marrëveshja nuk do të firmoset. E kemi këtë besim se qytetarët kanë reaguar dhe nuk e duan këtë. Protesta do të jetë edhe më e madhe kur të vijë Cipras, po bëjmë plan për protestën”, u shpreh Kalaja.
Gjithashtu njoftoi se protesta do të zhvendoset edhe në Prishtinë.
“Protesta do të zhvendoset jashte kufijve të Shqipërisë, do të shkohet në Prishtinë, është bërë edhe atje situatë e nderë edhe atje”, përfundoi Aulon Kalaja.
(B.H/Faxweb)
