Aurela Basha krah bashkëshortit në “Çadrën e Lirisë: Ne e kemi një borxh ndaj të përndjekurve politikë

Bashkëshortja e kreut të opozitës Lulzim Basha, Aurela Basha, vazhdon t’i mbështesë me praninë e saj protestuesit në “çadrën e Lirisë”.

Gjatë një aktiviteti mbi vuajtjet e të përndjekurve politikë dhe fëmijëve të tyre në diktaturën komuniste, Aurela mori fjalën dhe tha se të përnjekurit politik duhet të integrohen në shoqërinë shqiptare dhe u siguroi atyre se kjo gjë do të bëhet.

 “Është shumë e rëndësishme të flitet për integrimin e të përndjekurve në shoqërinë shqiptare. Është e vërtetë që ata janë ende të përndjekur. Të gjithë e dinë sa e vështirë është të integrohesh në shoqëri të huaja, dhe të gjithë ne që kemi qenë jashtë shtetit, këtë e dimë shumë mirë. Por mbase është më e vështirë të integrohesh në shoqërinë tënde. Ne të gjithë e kemi këtë borxh ndaj të përndjekurve politikë dhe për ata që guxuan. Ne jemi të gjithë këtu për të thënë që kjo do bëhet. Më mirë vonë se sa kurrë por kjo do të bëhet”, tha Aurela Basha. (D.D/Shuplaka)