Dy orë para nisjes së finales së festivalit të “Këngës Magjike”, këngëtarja Aurela Gaçe u bën thirrje kolegëve të saj konkurentë të mos e hidhërojnë mendjen dhe zemrën për shkak të votave.
Sipas këngëtares e cila sapo është bërë nënë për herë të dytë, jeta nuk mund të rrotullohet vetëm rreth fitimit të një kupe.
Mesazhi i plotë i këngëtares:
“Si mendoni ju, kujt t’ja dorezoj kete kupe??? Ka ardhur momenti ta dorezoj … kam nje lutje per koleget e artistet . Paçka se votimet jane i keni bere per njeri -tjetrin, mbas perfundimit te ketij konkurrimi , mos e hidheroni mendjen e zemren kundrejt miqve , ose edhe atyre qe mbase nuk ju kane votuar siç ju deshironi. Une vertete e kam ate kupe ne dore, por e verteta eshte se te dashur per publikun nuk te ben fitorja e nje kupe. Do te thoni ju, flet keshtu ti se e ke marre. Jo jo. Publiku ne fakt kur kendon me ty , as nuk e mendon e as do t’ja dije per renditjen tende ne nje konkurs. Atij ose i pelqen ajo kenge, ose jo. Kaq vite ne skene e ne terren direkt me publikun, me kane mesuar shume. Nese ju e dini se çfare jeni per publikun, atehere nuk mund te prisni nje kupe qe t’ja u konfirmoje dashurine e publikut. Jeta ka shume me shume se kaq. Shijojeni skenen, sepse ju ate keni dashuri. S’dua te bej moral, por vertete e di perfundimin , gjithmone ka te pakenaqur…por jeta jone nuk mund te rrotullohet vetem rreth fitimit te asaj kupe. Une keshtu e shoh. Eshte bere kaq shume pune, nga ju , nga producentet, nga te gjithe aty ….e ne fund ka gjithmone artiste qe i pervishen kolegut, ose jurise nese do te kishte nje te tille per ndarje çmimesh. Fundja fundit, nje do ta fitoje…e jeta vazhdon po njesoj mbas kesaj, me te njetat gezime e halle….kur mendoj qe kjo bote ka kaq shume halle…e ne prishim gojen e zemren per nje kupe, me duket pak e padrejte nga ana jone , qe pretendojme se i sjellim gezim publikut . Te kemi shendetin se jeta vazhdon. Te gjithe jemi fitues perderisa dalim ne skene e bejme ate qe kemi enderruar.”
