Pas një martese të gjatë dhe ndarjes nga ish-bashkëshorti Aurela Hoxha është munduar që të mbajë një profil paksa më të fshehtë në publik. Ajo nuk është përfolur për ndonjë lidhje të mundshme po vetëm hipotëza.
Por së fundi ajo është parë në një klub nate e shoqëruar nga një djalë. Revista Bordo shkruan se Aurela po jeton prej muajsh një histori të bukur dashurie me një biznesmen me origjinë nga Miloti. Alban quhet djali që i ka vjedhur zemrën blogeres dhe duket se ata po jetojnë një marrëdhënie tepër intensive.
Në udhëtimet e shpeshta të Aurelës kohëve të fundit nëpër vende ekzotike, duket se ka pasur shoqërues pikërisht të dashurin e ri Albanin. Fotot e çiftit, janë realizuar mbrëmjen e 14 marsit në një prej lokaleve të natës në Tiranë.
Aurela dhe Albani ishin me grup shoqëror, por herë pas here nuk ngurronin të shfaqnin afeksion ndaj njëri-tjetrit. Ne na duken çift i bukur, ndaj i urojmë një lidhje sa më të gjatë. (E.K/SHUPLAKA)
