Një deklaratë e papritur ka dalë nga kancelari austriak, Sebastian Kurz i cili ka thënë se e mbështet korrigjimin e kufijve të Kosovës nëse kjo do të prodhonte dialogun dhe zgjidhjen e problemeve të pazgjidhura mes Kosovës dhe Serbisë.
“Qëndrimi ynë është i qartë, do të mbështesim gjithcka për të cilën do të merreshin vesh palët, përfshirë edhe korrigjimin e mundshëm trë kufirit, nëse kjo con drejt një zgjidhje gjithëpërfshirëse që con në stabilitet. Qëllimi duhet të jetë që të gjitha cështjet e hapura të zgjidhen me marrëveshje”, ka thënë Kurz.
Kurz ka mbështetur emërimin e Matheë Palmer si të dërguar special për Ballkanin, duke theksuar se ai mund të kontribuojë për gjetjen e zgjidhjes duke shprehur besimin se ai prêt bashkëpunimin e zyrtarit amerikan me BE-në.
“Gjatë vizitës sime në Shtëpi të Bardhë kam diskutuar për përpjekjet tona të përbashkëta me Presidentin Donald Trump. SHB-të rreth kësaj çështjeje janë të angazhuara për një kohë të gjatë bashkë me BE-në, që është shumë e rëndësishme. Pikërisht për këtë është sinjal i mirë që është emëruar emisari special dhe shpresoj që ai do të mund të kontribuojë në gjetjen e zgjidhjes. Jam i bindur që BE do të bashkëpunojë ngushtë me të”, ka thënë Kurz.
Ky qëndrim vjen në një kohë kur vendet e Unionit janë shprehur skeptike lidhur me mundësinë e shkëmbimit të territoreve për arritjen e një marrëveshjeje, temë e cila ka hapur edhe polemika të shumta në rajon por edhe më gjerë.
(F.GJ/FAXWEB.AL)
Discussion about this post