Ministri i Jashtëm i Austrisë Alexandër Schallenberg në një konferencë me homologun e tij Gent Cakaj, u shpreh se vendi i tij ka dhënë ndihma të vazhdueshme për Shqipërinë, veçanërisht pas tërmetit të 21 Shtatorit.
Schallenberg tha se Austria ka lëvruar një fond prej 200 mijë eurosh për personat e prekur nga tërmeti, ndërsa bëri një lapsus teksa u shpreh disa herë me fjalën viktima, dhe jo të dëmtuar nga tërmeti.
Nuk dihet nëse ka pasur një problem në përkthimin e fjalëve të ministrit, apo ai është keqinformuar mbi pasojat e tërmetit në Shqipëri.
Ministri austriak foli dhe për numrin e lartë të aziltantëve shqiptarë, teksa tha se ky është një fenomen mjaft shqetësues për disa vende të BE-së, dhe duhet të punohet më shumë në këtë aspekt.
Discussion about this post