Autorët e atentatit në Vlorë djegin brenda orës mjetin, ku u gjet makina dhe arma (DETAJE)

Është gjetur makina e cila dyshohet se është përdorur në atentatin e sotshëm me dy të plagosur rëndë në Vlorë. Mjeti është gjetur i djegur në Kafaraj, zonë në Fier.

Po ashtu brenda në të është gjetur dhe arma që dyshohet se është përdorur në krim, ndërsa autorët janë larguar në drejtim të paditur.

Duhet thënë se autorët kanë vepruar me një shpejtësi mjaft të madhe, pasi pak minuta pas krimit të kryer kanë bërë të mundur dhe asgjësimin e mjetit duke zhdukur në këtë mënyrë gjurmët.

Policia e Fierit po kreh zonën dhe ka ngritur postoblloqe të shumta në përpjekje për të kapur autorët. 

Detaje:

Në datën 01.10.2017, rreth orës 10:00, në rrugën e fshatit Kafaraj që lidhet me autostradën Levan- Tepelenë, poshtë një nënkalimi është gjetur i djegur një mjet tip “BMË”. Grupi hetimor po punon për zbardhjen e rrethanave të ngjarjes dhe kryerjen veprimeve proceduariale.

(E.K/SHUPLAKA)