Një atentat me armë zjarri ka ndodhur në zonën e Lundrës, ku një automjet është qëlluar ndërsa ishte në lëvizje. Sipas informacioneve paraprake, autorët kanë ndjekur mjetin nga rrethrrotullimi i Shkozës dhe kanë hapur zjarr në drejtim të tij gjatë ndjekjes.
Autorët e atentatit kanë qenë të pozicionuar anës rrugës dhe kanë ndjekur automjetin në të cilin ndodhej Arsen Stafa, së bashku me tre personat e tjerë të cilët aktualisht ndodhen në spital.
Pas të shtënave, Stafa ka tentuar të drejtojë automjetin drejt spitalit, por ka humbur ndjenjat gjatë rrugës, duke shkaktuar një aksident.
Ndërkaq mësohet se Arens Stafa është identifikuar si punonjës i kompanisë “Pelikani Security”.
Autorët dyshohet se janë larguar nga vendngjarja dhe më pas kanë djegur automjetin në përpjekje për të humbur gjurmët.
Burime nga Spitali i Traumës bëjnë me dije se kanë mbërritur të plagosur me armë zjarri shtetasit Arens Stafa, 34 vjeç, dhe M.D, 17 vjeç, të cilët janë dëmtuar në dorë dhe krah.
Gjithashtu, në sallën e operacionit janë futur D.D, 11 vjeç, dhe Kian Mullaj, 19 vjeç.
