Astrit Patozi, në momentin e fundit dha dorëheqjen për garën e kreut të Partisë Demokratike, por me anë të një postimi, ai sërish ka ironizuar mënyrën se si po zhvillohet gara për kreun e PD-së.
Ai është shprehur se me autorin e batutës që publikoi një ditë më parë “Partia Demokratike e ka gjetur njeriun që e fiton gjithmonë garën brenda partisë, tani i duhet të gjejë edhe një tjetër që të fitojë garën me partitë e tjera”, nuk pranon të identifikohet për thotë që të gjithë ata që janë interesuar të punojnë që të gjejnë njeriun që fiton garën me partitë e tjera.
Postimi i plotë:
AUTORI I BATUTËS NUK PRANON TË IDENTIFIKOHET
Sot hënga drekë me autorin e batutës së djeshme. Jo për atë shkak, por se ashtu qëlloi dhe na u përputhen “agjendat”. Përfitova nga rasti dhe e pyeta, nëse mund ta bëja publik emrin e tij, tani që rezultoi se gjetja ishte e sukseshme.
“Kam pasur kërkesa të pafundme nga anëtarë dhe figura të Partisë Demokratike, që janë kuriozë të dinë se kush ishte autori i batutës, i thashë unë. Por ma preu shkurt: “Ore, të mos merren për të më gjetur mua ata, se nuk ka rëndësi fare, por të gjejnë njeriun që fiton garën me partitë e tjera, se ai është hall.”
Discussion about this post