Autori i dyshuar për atentatin në Lushnje jo i panjohur , shtatë vite më parë vrau ‘iriqin’ e bandës së Aldo Bares (FOTO)

Një nga personat e shpallur në kërkim për atentatin e kryer dje në Lushnje, Laert Haxhiu, nuk është një emër i panjohur për policinë.

25 vjeçari është cilësuar si pjesë e bandës rivale të Aldo Bares, ky i fundit kreu i bandës së Lushnjës.

Haxhiu kishte vetëm 8 muaj që kishte dalë nga burgu për vrasjen e anëtarit të bandës së Lushnjës, Gerti Lalës i njohur me nofkën “Iriqi”, kur u arrestua në 2015-ën për trafik droge. Ndonëse Haxhiu tentoi t’i shpëtonte policisë, por pasi u hodh nga 3-4 metra lartësi, theu këmbën.

Për vrasjen e ‘Iriqit’ në atë kohë u arrestua edhe Orgest Bilbili, i cili sot është shpallur në kërkim nga policia bashkë me Haxhian, pasi akuzohet si një nga autorët e ngjarjes së djeshme.

28-vjeçari Gerti Lala një ish-anëtar i Bandës së Lushnnjës, u ekzekutua në 2010-ën në hyrje të pallatit ku ai banonte. Lala u qëllua 7 herë me thikë në trup e më pas me tre plumba në kokë.

(B.N/Shuplaka)