Policia e Dibrës arrestoi shtetasin Robert Trupja 43 vjeç, banues në Staravec nën akuzën për veprën penale “Plagosje e rëndë në gjendje të tronditjes së fortë psikike” pasi ka plagosur me thikë një të ri. Mësohet se ngjarja ka ndodhur ditën e djeshme në një lokal në sheshin “Bajram Curri” të qytetit pas një konflikti për motive të dobëta.
Burime të policisë bëjnë të ditur se krimi ndodhi teksa autori i dehur, ndodhej në gjendje të tronditjes së fortë psikike. Mësohet se autori dhe shënjestra e sulmit kishin konsmuar alkool në një lokal në periferi të Peshkopisë dhe më pas janë afruar në qendrën e qytetit ku kanë vijuar të pijnë. Menjëherë pas sulmit me thikë, 27-vjeçari me iniciale S. F. është transportuar në spitalin rajonal ku ndodhet jashtë rrezikut për jetën.
