Po bëhen afro një muaj dhe autostrada Elbasan-Tiranë , vazhdon qarkullimin ende me një korsi.
Firma “Aktor” , që ka fituar ndërtimin e këtij segmenti rrugor , nuk ka mundur të rikthejë qarkullimin rrugor në të katra korsitë.
Më 9 dhjetor të vitit të kaluar ndodhur shembja masive pranë fshatit Ulëm të Njësisë Administrative Gracen , që paralizoi totalisht qarkullimin.
U deshën të paktën tre ditë , që firma të bëntë devijimin e automjeteve me një kailm dhe ka mbetur po ashtu. Masivi malor , që ka bllokuar tërë aksin e një rruge me dy kalime në njërin krah , ka mbetur në gjendjen siç ishte.
Dy apo tre punëtorë që mbajnë lopata ndër duar , si dhe dy mjete që më shumë rrinë fikur , mbeten shpresa e vetme për hapjen e rrugës. Askush nuk ka kurajon të flasë dhe nuk dinë se cfar të thonë , përderisa drejtuesit e firmës kanë më shumë merakun e shembjes në Ibë , afër Tiranës , sesa të segmentit të rrugës para tynelit të Qafëkrrabës.
Ritme të tilla , zor se japin mundësinë që ky segment rrugor të kthehet në normalitet. Mund të theksohet se në këtë autostradë kalojnë të gjitha mjetet e Juglindjes së vendit , përveç qarkut të Elbasanit dhe më gjërë.
Realisht mund të thuhet , se masa e inerteve shkëmbore të hequra, është e barabartë me ato që kanë rënë gjatë këtyre ditëve të ndërrimit të viteve.
Discussion about this post