Avokatët në Tiranë thyejnë bojkotin, zhvillohen 10 seanca gjyqësore, ja çfarë pritet

Edhe pse në të gjithë vendin ka nisur një bojkot nga ana e avokatëve sa i përket hartës së re gjyqësore, në Tiranë janë zhvilluar disa seanca.

Faxneës mëson se seancat janë zhvilluar me avokat kryesisht, ku gjykata ka vendosur 9 masa detyrim paraqitjeje, ndersa njëra arrest me burg, pasi personi akuzohej për ngacmim seksual.

Rikujktojmë se pas miratimit të hartës së re gjyqësore, sistemi i drejtësisë është në kolaps, ku prej më shumë se 2 javësh avokatët kanë bojkotuar seancat, përfshirë ato të sigurimit.

Ndërkohë Dhoma e Përgjithshme e Avokatëve ka paralajmëruar për masa ndëshkimore për të gjithë ata që thyejne bojkotin ndërsa nuk dihet se çfarë do të ndodh me këta avokatë.

Ndërkaq më herët PD kërkoi një dëgjesë me ministrin e Drejtësisë Ulsi Manja, në lidhje me hartën e re gjyqësore, për të gjetur edhe një zgjidhje për këtë ngërç.